भाद्र २७, २०८२ शुक्रबार
साकेला अनलाइन
२०८२ श्रावण २६, सोमबार
साकेला- साकेला गाउँपालिकामा सञ्चालन भईरहेका सार्वजनिक बस तथा सुमोको सेवा प्रभावकारी बनाउन नयाँ भाडादर निर्धारण गर्नुका साथै छुट्ने समय तालिका तय गरिएको छ । सोमबार साकेला गाउँपालिका प्रमुख रवि प्रकाश राईको अध्यक्षतामा बसेको यातायात व्यवसायीहरुको वैठकले निर्णय गर्दै आगामी दिनमा रुट परमिट पाएका र सम्बन्धित व्यवसायी संघमा दर्ता भएका सवारी साधनमात्र साकेला गाउँपालिकामा प्रवेश गर्न पाउने निर्णय गरिएको छ ।
व्यवसायी संघमा दर्ता नभएका र रुट परमिट नलिएका सवारी साधनले यात्रु बोकेको पाईएमा सोही बमोजिम कारवाही गरिने निर्णय भएको गाउँपालिका प्रमुख रवि प्रकाश राईले बताउनुभयो । गाउँपालिकाको कार्यालयमा स्थानीय सरकार प्रमुख सहित बस तथा जीप व्यवसायी संघका प्रतिनिधि, उद्योग वाणिज्य संघ, नेपाल प्रहरी सहित बसेको टोलीले सो निर्णय गरेको हो ।
बैठकले साकेलाबाट छुट्ने छोटो तथा लामो दुरीमा चल्ने बस तथा जीपको भाडा निर्धारण गरिएको हो । बसमा साकेला गाउँपालिकाबाट दिक्तेलसम्मका लागि प्रतिव्यक्ती ४८०, गाईघाटका लागि १५००, इटहरी, धरान र बिराटनगरका लागि १८०० रुपैयाँ भाडा लाग्ने निर्धारण गरिएको छ । यस्तै, जीप तथा सुमोको लागि साकेला गाउँपालिकाबाट दिक्तेलका लागि जनही ६००, साकेलाबाट गाईघाटका लागि १७००, साकेलाबाट काठमाडौंका लागि २५००, साकेलाबाट धरान र इटहरीका लागि २२०० रुपैयाँ तोकिएको छ ।
जीपमा साकेलाबाट बिसाउनासम्मको जनही १२०, मात्तिमबिर्ताको १५०, छाँगेखोलाको २००, डाँडाटोलको २२०, चुम्लुङको २५०, दिगेम्पाको ३०० र साप्सुखोलासम्मको ३२० रुपैयाँ निर्धारण गरिएको छ ।
बैठकले साकेलाबाट बस तथा जीप छुट्ने समय पनि निर्धारण गरेको छ । अबदेखि दैनिक बस साकेलाबाट दिक्तेलको लागि बिहान ७ बजे छुट्ने र दिक्तेलदेखि साकेला बेलुकी ३ बजे साकेलाको लागि छुट्नेछ । त्यस्तै साकेलादेखि गाईघाट बिहान ५ बजे र गाईघाटबाट साकेलाको लागि बिहान ६ बजे छुटाउने निर्णय गरिएको छ । त्यस्तै जीप तथा सुमो साकेलादेखि दिक्तेल बेलुकी ३ बजे र दिक्तेलदेखि साकेला बिहान ७ बजे प्रत्येक दिन छुट्ने गरेर समय निर्धारण गरिएको छ । सोही वैठकले साकेलादेखि लामो दूरीमा जाने जीप तथा सुमोले छोटो दूरीको यात्रा गर्ने यात्रुहरु बोक्न नपाईने समेत निर्णय गरेको छ ।
साकेला गाउँपालिकाभित्र सञ्चालन हुने गाडी अनिवार्य रुट पर्मिट लिएको र यातायात व्यवसायी संघमा दर्ता भएको हुनुपर्ने गाउँपालिका अध्यक्ष राईले बताउनुभयो । रुट पर्मिट नलिएको र संघमा दर्ता नभएका गाडीलाई प्रहरीको सहयोगमा कारबाही गर्ने निर्णय गरिएको जनाईएको छ ।
साकेला अनलाईन प्रा.लि.द्धारा सञ्चालित डिजिटल न्यूज पोर्टल साकेला अनलाइन लोकतन्त्र र सम्बृद्दिको दिशामा स्वतन्त्र पत्रकारितामार्फत अगाडी बढि नै रहन्छ । हामी बिशेषगरी आर्थिक, सामाजिक, राजनितिक र साँस्कृतिक क्षेत्रका विकृति, विसंगति घटनाक्रमसँग नजिक रहेर आम जनतालाई सुसचित गर्ने प्रयास गर्छौ । समान दृष्टिकोण सन्तुलित बिचार हाम्रो मुख्य लक्ष्य हो । {More}
समराज राई
सोनी राई
डिएम चाम्लिङ राई
३३०६९०
प्रतिक्रिया