श्रावण २, २०८२ बुधबार
साकेला अनलाइन
२०८० जेठ ३१, बुधबार
साकेला- साकेला गाउँपालिकाले निर्माण गर्न लागिरहेको पञ्चवर्षीय आवधिक विकास योजना अन्तिम चरणमा पुगेको छ । गाउँपालिकाको भविष्य र दिगो विकासको खाका बोकेको आवधिक योजनाले भौतिक विकास सँगै पर्यटन, शिक्षा, स्वास्थ्य, कृषि लगायत डिजिटल पालिका निर्माणको परिकल्पना गरेको छ ।
साकेलाले चालु आ.व. २०७९/०८० को नीति तथा कार्यक्रममै समावेश गरेर आवधिक योजना निर्माण गर्ने जनाएको थियो । २०७९ फागुन २ गते आवधिक योजना निर्माण सम्बन्धि अभिमुखिकरण सँगै विभिन्न सम्यन्त्रहरु निर्माण गरि प्रारम्भ गरिएको आवधिक योजना निर्माण अन्तर्गत सबै वडाहरुमा वस्तुस्थिति विष्लेषण सहित अन्तरक्रिया गरिएको थियो ।
त्यस्तै, २०७९ चैत्र ७ देखि ९ गतेसम्म तीन दिन दीर्घकालिन सोंचको तयारी, विकासको प्राथमिकीकरण र विकासको आवश्यकता पहिचान गर्नका लागि पालिकास्तरीय कार्यशाला गोष्ठि सञ्चालन गरिएको थियो । आवधिक योजनालाई वस्तुनिष्ठ, व्यवहारिक, पारदर्शिता र विश्वसनीय बनाउनका लागि २०८० जेष्ठ ६ गते साकेलामा जन्मिएर राज्यको विभिन्न तह र तप्कामा पुग्नुभएका विशिष्ट व्यक्तिहरुको सुझाव संकलन गर्न संघीय राजधानी काठमाडौमा एक दिने अन्तरक्रिया कार्यक्रमको आयोजना गरिएको थियो ।
निर्माण भईरहेको आवधिक योजनालाई अन्तिम रुप दिन ०८० जेष्ठ ३० गते गाउँपालिकाको सभाहलमा योजना तर्जुमा मस्यौदा प्रस्तुति तथा प्रमाणिकरण कार्यशाला गोष्ठी सम्पन्न भएको छ । सस्टनेबल डेभलपमेन्ट स्टडिज प्रालिको प्राविधिक सहयोगमा निर्माण भईरहेको आवधिक योजनामा आगामी पाँच वर्षभित्र साकेला गाउँपालिकालाई कस्तो बनाउने भनेर भविष्यको खाका कोरिनेछ । आवधिक योजनामा ५० वर्ष पछि सम्मको विकासको परिकल्पना गरिएको छ ।
७५३ स्थानीय तहमध्ये साकेला गाउँपालिकाले फरक तरिकाबाट भविष्यको सपना सजाएर आवधिक योजना निर्माण गरिरहेको गाउँपालिका अध्यक्ष रवि प्रकाश राईले बताउनुभयो । संघ तथा प्रदेश र अन्य स्थानीय तहहरुले भविष्यको खाका कोर्न नसकेको उल्लेख गर्दै उहाँले भन्नुभयो- पाँच वर्षभित्र गाउँपालिकालाई विकासको गतिमा कहाँसम्म लैजाने र आगामी ५० वर्षपछि यस गाउँपालिकालाई कस्तो बनाउने भनेर भविष्यको खाका हामी तयार गर्दैछौं ।
साकेलाले निर्माण गरिरहेको आवधिक योजनामा नागरिकको भावना र उनिहरुको सपना समेटिनेछ, नागरिकले खोजेको विकासको परिकल्पना गरिएको छ, अध्यक्ष राईले भन्नुभयो पूर्ण लोकतान्त्रिक विधिद्धारा नागरिकको अपेक्षालाई आवधिक योजनामा समेटेर दिगो विकासको खाका कोरिनेछ ।
अध्यक्ष राईले भन्नुभयो- हामीले सपना देख्यौं, देखिएको सपनालाई बिपनामा रुपान्तरण गर्न प्रयत्नशिल भएर लागि पर्दा पहिलो खुड्किला तयार भएको छ, यसलाई दिगो लक्ष्यमा पुर्याउनका लागि सबै तह र तप्काका नागरिकहरुले साथ दिनुपर्छ । जनप्रतिनिध होस् या कर्मचारी वा राज्यको जिम्मेवार व्यक्ति, राम्रो काम गरेको छ भने राम्रै भन्नुपर्छ, नराम्रो भए खबरदारी गर्नुपर्छ तर यहाँ राम्रो गर्दा पनि आलोचना गर्नेहरु अधिकांश भेटिन्छन् अध्यक्ष राईले भन्नुभयो- राम्रो कामको आलोचना गर्नु पनि विकास विरोधी हुनु हो, त्यसले समग्र विकास प्रकृयालाई अवरोध पुर्याउँछ । गाउँपालिकाले निर्माण गरिरहेको पाँच वर्षे आवधिक योजनाले आगामी ५० वर्ष सम्मको भविष्य बोकेको अध्यक्ष राईको भनाई छ ।
गाउँपालिका उपाध्यक्ष बिर्सिका राईले दिगो विकासको लक्ष्य पुरा गर्दै नागरिकले देखेको विकासको सपनालाई आवधिक योजनाले सार्थकता दिने बताउँदै दिगो विकासको आधारशिला भनेकै आवधिक योजना भएकाले सबैले साथ दिन आग्रह गर्नुभयो ।
प्रमुख प्रशासकीय अधिकृत महेश राई, १ नम्बर वडा अध्यक्ष हेमन राई, २ नम्बर वडाका कार्यवाहक अध्यक्ष भक्तबहादुर कटवाल, ३ नम्बर वडाका अध्यक्ष गोविन्द तामाङ, ४ नम्बर वडाका अध्यक्ष अर्जुन कुमार कटवाल, ५ नम्बर वडाका अध्यक्ष जीवन खत्रीले पालिकाले निर्माण गर्न लागेको आवधिक योजनामा समावेश हुने विकास योजनाहरुलाई अक्षरस पालना गर्दै त्यसैको जगमा टेकेर काम गर्ने प्रतिवद्धता व्यक्त गर्नुभएको छ ।
आवधिक योजनामा समावेश गरिएका मुख्य-मुख्य गौरवका योजनाहरु, आगामी ५ वर्षभित्र पुरा गर्नुपर्ने योजना
साकेला अनलाईन प्रा.लि.द्धारा सञ्चालित डिजिटल न्यूज पोर्टल साकेला अनलाइन लोकतन्त्र र सम्बृद्दिको दिशामा स्वतन्त्र पत्रकारितामार्फत अगाडी बढि नै रहन्छ । हामी बिशेषगरी आर्थिक, सामाजिक, राजनितिक र साँस्कृतिक क्षेत्रका विकृति, विसंगति घटनाक्रमसँग नजिक रहेर आम जनतालाई सुसचित गर्ने प्रयास गर्छौ । समान दृष्टिकोण सन्तुलित बिचार हाम्रो मुख्य लक्ष्य हो । {More}
समराज राई
सोनी राई
डिएम चाम्लिङ राई
३३०६९०
प्रतिक्रिया