श्रावण २, २०८२ बुधबार
साकेला अनलाइन
२०८२ असार ११, मंगलबार
साकेला- खोटाङको साकेला गाउँपालिकाले कूल ३९ करोड ३० लाख ३९ हजार ६५९ को बजेट सार्वजनिक गरेको छ । मंगलबार आयोजित १५औं गाउँसभाको नीति तथा कार्यक्रम प्रस्तुत गर्ने क्रममा आगामी आर्थिक वर्ष ०८२/०८३ मा कार्यान्वयन हुनेगरी चालु तर्फ २७ करोड ४७ लाख एक हजार ६९ रुपैंया र पुँजीगत तर्फ ११ करोड ८३ लाख ३८ हजार ५९० रुपैंया बराबरको बजेट सभामा पेश गरिएको छ ।
गाउँपालिका अध्यक्ष राईद्वारा प्रस्तुत गर्न आह्वान गरिएको बजेट, नीति तथा कार्यक्रमलाई उपाध्यक्ष बिर्सिका राईले आगामी आर्थिक वर्षका लागि बजेट, नीति तथा कार्यक्रम सभामा प्रस्तुत गर्नुभएको हो । प्रस्तुत गरिएको नीति तथा कार्यक्रम र बजेट बहुमतबाट पारित गरिएको छ ।
आगामी आर्थिक वर्षका लागि साकेला गाउँपालिकालाई वित्तीय समानीकरण अनुदान अन्तर्गत ६ करोड ८९ लाख, राजश्व वाँडफाँडबाट ६ करोड ३२ लाख ५६ हजार ६५९, सशर्त अनुदान तर्फ १४ करोड चार लाख, सशर्त अनुदान पुँजीगत तर्फ एक करोड ३८ लाख, संघीय सरकार समपूरक अनुदान तर्फ दुई करोड २२ लाख, विशेष अनुदान चालु तर्फ एक करोड ५४ लाख प्राप्त हुने प्रक्षेपण गरिएको छ ।
यसैगरी प्रदेश सरकारबाट वित्तीय समानीकरण अनुदान ५८ लाख नौ हजार, सवारी कर वाँडफाँडबाट ४९ लाख ९० हजार, प्रदेश सशर्त अनुदान तर्फ ७५ लाख ६५ हजार, प्रदेश सरकार पुँजीगत तर्फ एक करोड ७२ लाख ५९ हजार, समपूरक अनुदान पुँजीगत तर्फ एक करोड ६० लाख, जिल्ला समन्वय समितिबाट साझेदारी बापत १८ लाख, मालपोत कार्यालयबाट घरजग्गा रजिष्ट्रेशन शुल्क बाँडफाँड बापत एक लाख ५० हजार, बाँडफाँडबाट प्राप्त हुने विज्ञापन कर बापत दश हजार तथा गाउँपालिकाको प्रक्षेपित राजश्व रकम ३० लाख, आ.व. २०८१/०८२ बाट सरेर जाने बैंक मौज्दात एक करोड २५ लाख प्रक्षेपित आय अनुमान गरिएको छ ।
क्षेत्रगत बजेट अन्तर्गत आर्थिक विकासमा दुई करोड ३२ लाख ५० हजार, सामाजिक विकासमा १९ करोड २३ लाख ४३ हजार ३३५, पूर्वाधार विकासमा ८ करोड ६० लाख ९० हजार १५५, सुशासन तथा अन्तरसम्बन्धित क्षेत्रमा ७८ लाख १४ हजार छ सय र कार्यालय सञ्चालन तथा प्रशासनिक खर्चनामा ८ करोड ३५ लाख ४१ हजार ५९४ रुपैंया विनियोजन गरिएको छ ।
सभामा प्रस्तुत बजेट, नीति तथा कार्यक्रमको पुरा पाठ हेर्नका लागि तलको लिङ्क क्लिक गर्नुहोला ।
साकेला अनलाईन प्रा.लि.द्धारा सञ्चालित डिजिटल न्यूज पोर्टल साकेला अनलाइन लोकतन्त्र र सम्बृद्दिको दिशामा स्वतन्त्र पत्रकारितामार्फत अगाडी बढि नै रहन्छ । हामी बिशेषगरी आर्थिक, सामाजिक, राजनितिक र साँस्कृतिक क्षेत्रका विकृति, विसंगति घटनाक्रमसँग नजिक रहेर आम जनतालाई सुसचित गर्ने प्रयास गर्छौ । समान दृष्टिकोण सन्तुलित बिचार हाम्रो मुख्य लक्ष्य हो । {More}
समराज राई
सोनी राई
डिएम चाम्लिङ राई
३३०६९०
प्रतिक्रिया