असोज २९, २०८१ मंगलबार
साकेला अनलाइन
२०७८ माघ २८, शुक्रबार
काठमाडौँ,माघ । चार देश सम्मिलित टि-२० अन्तर्राष्ट्रिय सिरिजको पहिलो खेलमा नेपालले घरेलु टिम ओमानलाई ६ विकेटले हराएको छ ।
फेब्रुअरी १७ तारिख देखि सुरु हुने टि-२० विश्वकपको तयारी स्वरूप खेल्न लागिएको यो सिरिजमा नेपालले घरेलु टिम ओमानलाई तिन बल बाँकी छदै ६ विकेटले हराएको हो ।
अल अमरेत रंगशालामा टस हारेर ब्याटिङको निम्तो पाएको ओमानले २० ओभरमा ६ विकेटको क्षतिमा १३५ रन जोडेको थियो।
ओमानले दिएको १३६ रनको लक्ष्य नेपालले ४ विकेटको क्षतिमा पूरा गर्यो।
नेपालका लागि दीपेन्द्रसिंह ऐरीले उत्कृष्ट ब्याटिङका साथ अर्धशतक प्रहार गरेका थिए । उनले ५३ बलमा ८ चौका र एक छक्का प्रहार गर्दै सर्वाधिका ७३ रनको योगदान दिएका थिए । यस्तै, आरिफ शेखले २५, ओपनरद्वय प्रदीप ऐरीले ४, आसिफ शेखले १४, ज्ञानेन्द्र मल्लले १३ र सरद वेसव्करले अविजित ४ रनको योगदान दिएका थिए ।
बलिङमा ओमानका कालीमुल्लाहले २ तथा खवर अलिले १ विकेट लिएका थिए ।
ओमानका लागि कप्तान जीशन मक्सूदले सबैभन्दा बढी नटआउट ४१ बलमा ४ चौका र १ छक्काको मद्दतले ४३ रन जोडे। त्यस्तै, मोहमद नदीम ३१, कश्यप प्रजापति ११, जतिन्दर सिंह १३, शोइब खान र आयान खानले समान ११ रन बनाए भने नदीम खुसी शून्यमा आउट भएका थिए ।
नेपालको बलिङमा अभिनास बोहराले ३ विकेट लिंदा सन्दीप लामिछानेले,आरिफ शेख र कमलसिंह ऐरीले समान १-१ विकेट लिएका थिए ।
चार देश सम्मिलित टि-ट्वान्टी अन्तर्राष्ट्रिय सिरिजमा नेपाल र आयोजक ओमान सहित आयरल्याण्ड र युएई समावेश छन्।
सिरिजको दोसो खेलमा नेपालले शनिबार युएई र सोमबार आयरल्यान्डसँग खेल्नेछ।
साकेला अनलाईन प्रा.लि.द्धारा सञ्चालित डिजिटल न्यूज पोर्टल साकेला अनलाइन लोकतन्त्र र सम्बृद्दिको दिशामा स्वतन्त्र पत्रकारितामार्फत अगाडी बढि नै रहन्छ । हामी बिशेषगरी आर्थिक, सामाजिक, राजनितिक र साँस्कृतिक क्षेत्रका विकृति, विसंगति घटनाक्रमसँग नजिक रहेर आम जनतालाई सुसचित गर्ने प्रयास गर्छौ । समान दृष्टिकोण सन्तुलित बिचार हाम्रो मुख्य लक्ष्य हो । {More}
समराज राई
सोनी राई
डिएम चाम्लिङ राई
३३०६९०
प्रतिक्रिया